apne ehsaas se choo ker mujhe sandal ker do
main k sadiyo se adhura hoon mukammal ker do
na tumhe rahe aur na mujhe hosh rahe
iss qadar toot k chaho mujhe pagal ker do
tum hatheli ko mere pyaar ki mehndi se rango
apni aankho me mere naam ka kajal ker do
dhoop hi dhoop hoon main toot k barso mujh pe
main to sehra hoon mujhe pyaar ka baadal ker do
uske saay me mere khwaab mehak uthen ge
mere chehre pe umeedon bhara aanchal ker do
apne honto se koi mohar lagao mujh pe
ik nazar pyaar se dekho mujhe ghail ker do
No comments:
Post a Comment