ye jo aksar rulaate ho''muhabbat yoon nahi hoti
mujhe her pal sataate ho''muhabbat yoon nahi hoti
main jub thak haar k mayoos ho jaun to phir khud hi
mujhe aa ker manaate ho''muhabbat yoon nahi hoti
nazar andaaz kerte ho tum ashqon ki rawaani ko
khud hi mujh ko manaate ho''muhabbat yoon nahi hoti
kabhi mujh per muhabbat se dil-o-jaan waar dete ho
magar ehsaan jataate ho''muhabbat yoon nahi hoti
ye tum umeed rakhte ho ayaan ker doon main sub jazbe
magar tum khud chupaate ho''muhabbat yoon nahi hoti
meri jaanib jo aata hai , wo rasta bhool jaate ho
hamesha aazmaate ho''muhabbat yoon nahi hoti
kabhi to mere ghar k sub ujaalon ko bujhaate ho
kabhi jugnoo le aate ho''muhabbat yoon nahi hoti
teri kinza to rasmo aur riwaajo se ulajhti hai
tumhi daaman bachaate ho''muhabbat yoon nahi hoti
No comments:
Post a Comment