mohabbaton k haseen fasaane ki baat mat ker
tu is zamaane me uss zamaane ki baat mat ker
bharam jo qaim hai dosti ka,rahe to behter
tu meri jaan isko aazmane ki baat mat ker
mohabbaton k liye haqaiq nahi badalte
tu paniyo me diye jalaane ki baat mat ker
qabiliyat ka hai konsa pal kisse khabar hai
mazaq me bhi ay yaar jane ki baat mat ker
tu or jo bhi kahe ga main usko maan loon ga
bus iltija hai mujhe bhulaane ki baat mat ker
No comments:
Post a Comment