sub tumhaare liye

Sub Tumhaare Liye---
sub tumhaare liye
jan-e-jaan ye jahaan,ye zameen aasman
ye mere raat din,khaak hain tere bin
ye meri zandagi,dosti dushmani
raaste waaste,sub tumhaare liye
sub tumhare liye
tum jo dekho to mere shab-o-roz ko
koi matlab mile
tum jo pucho to mere her ik harf ko
koi rutba mile,koi mansab mile
tum jo socho mere waaste kuch bhi
main sitaaron ko muthi me bhar laauo ga
tum agar ik din mujh ko aawaz do
main jahan per bhi hoon lot ker aaun ga
ye mere jism-o-jaan mere sher-o-sakhan
meri tanhaiyan,bazm-e-araiyan
ab tumhaare liye,sub tumhaare liye