aankhon ko pehle khwaab dikhaati hai zindagi
phir aansuon me unko bahaati hai zindagi
deti hai aise dukh na jisse koi seh sake
aur phir khushi k jaam pilaati hai zindagi
kerti muhabbaton se agar hai ye roshnaas
nafrat ka zaiqa bhi chakhaati hai zindagi
qismat hai kya tere hi amal ka hai aaina
her lehza teri shakal dikhati hai zindagi
kon-o-makan ki wusaten deti zaroor hai
phir tangai mazaar me laati hai zindagi
pehna k sar pe taaj ye shohrat ka ayk din
ik mashte khaak noor bnaati hai zindagi
No comments:
Post a Comment